| 1 | |
AF222a: 78r bir kimesnede yürek aġrısı olsa ḥattā qan içinden gelse hemān demür boqunı // muḥkem saḥq ėdüp ʿasel ile maʿcūn ėdüp ac qarnına yėdüreler ġāyetle bundan // özge ʿilāc olmaz tecrübe olınmışdur ġaflet olınmaya fāʾide bir kimesne // ṣarıluġa mübtelā olsa qarġa düvelegi bir ot vardur alub bir miqdārın // dögüb ṣu‑yile içüreler bi‑iẕni defʿ ola mücerrebdür ʿAlī Başa Cebeciden // mesmūʿumuzdur fāʾide bir kimesnenüñ gözine aq baṣsa siyāh köbek qancıġın [!] südin // ṣaġub gözine üç dört defʿa qoyalar defʿ ėde tecrübe olınmışdur // lākin itüñ bir āḫir nişānı olmaya şarṭ budur ve bir kimesnenüñ gövdesi ve ayaqları şişse cereviz bir otdur baqçalarda // biter anı vāfirce cemʿ ėdüp ṣucaqleyin üç dört kerre içine yaturdalar [?] // bi‑iẕni llāhi taʿālā şişi indürür bu daḫı tecrübemüzdür ġāfil olmalu degüldür // fāʾide nevʿ‑i dīger ṣarılıġa mübtelā olan kimesne qarpuz qapuġı // içine işeyüp bir gėce ayaza qoyup ṣabāḥ ac qarnına gözlerin yumayup içe iki üç defʿa // ėde dördünciye inşāʾa llāhu taʿālā // muḥtāc olmaz mücerrebdür ġaflet // olınmaya Left, transversely: maʿcūn‑ı surḫ‑bād bi‑ʿināyeti llāhi l‑maliki l‑ʿallām // her ne cins ʿillet olsa ki ʿilācında ṭabībler // ʿāciz olsalar bu maʿcūn şāfī ola eczā bunlardur // ḥavlincān [!] dirhem 5 zencebīl m 5 cevz‑i bevvā m 5 maṣṭakī m 3 dārcīnī m 5 // kebābe m 5 dār‑i fülfül m 5 besbāse m 4 şeqāqūl m 4 fülfül‑i ebyaż m 6 zaʿferān m 6 // qaranfil m 5 ʿāqır qarhā m 3 ʿūd‑i ḫāliṣ m 3 misk deng 1 ʿasel miqdār // kifāye ėde maʿcūn terbīye ėdüp yiye Right, transversely: fāʾide at ve sāyiri ḥayvānda gül yāḫᵛuẕ cicek olsa // fāʾidesi budur ki vāfirçe tarḥanaʾı bir ḫoşca qoyuca pişürüp // yaġlayasın ġāyetle nāfiʿdür tecrübeye muḥtācdur ġaflet olınmaya // Meḥmed Çelebiden mesmūʿdur raḥima llāhu ʿalayhi |